प्रतिनिधी -अनिकेत मशिदकर,मालेगाव : आगामी सण उत्सव काळात सर्व संबंधित विभागाप्रमुख यांना काटेकोरपणे व काळजीपुर्वक काम करावे कुणीही हलगर्जीपणा केल्यास गय केली जाणार नाही अशा सूचना आयुक्त तथा प्रशासक रविंद्र जाधव यांनी दिल्या.
मनपाच्या दालनात रमजान ईद, महात्मा फुले जंयती, भारतरत्न डॉ. बाबासाहेब आंबेडकर जयंती आणि सप्तश्रृंगी गडावरील चैत्रोत्सव उत्सवाच्या निमित्ताने सोयी सुविधांचा आढावा घेण्यासाठी बैठकीचे आयोजन करण्यात आले होते यावेळी ते बोलत होते. बैठकीला अतिरीक्त आयुक्त राजेंद्र फातले, उपायुक्त गणेश शिंदे उपस्थित होते.
आगामी काळात रमजान ईद, महात्मा फुले जंयती, भारतरत्न डॉ बाबासाहेब आंबेडकर जयंती आणि सप्तश्रृंगी गडावरील चैत्रोत्सव असल्याने असल्याने सर्व विभागांचे योग्य नियोजन असणे आवश्यक आहे. असेही ते म्हणाले. उत्सवाच्या पार्श्वभूमीवर महानगरपालिकेतील स्वच्छता, पाणीपुरवठा, विद्युत,बांधकाम, अतिक्रमण, आरोग्य, उद्यान व इतर विभाग प्रमुख यांच्या कडून प्रशासकीय आढावा घेऊन सण उत्सव सुरळीत पार पाडणेसाठी उपाययोजना व कार्यवाही करण्याचे निर्देश या बैठकीत देण्यात आले.
सण,उत्सव काळात आवश्यकतेनुसार पोलीस प्रशासन यांच्याशी समन्वय साधुन कामकाज करावे. तसेच आवश्यकतेनुसार मनपाचे वरिष्ठ अधिकारी यांचे मार्गदर्शन घ्यावे. स्वच्छता विभागाने शहरातील दैनंदिन साफसफाई व प्रमुख नाले स्वच्छता नियमीतपणे करावी. सार्वजनिक बांधकाम विभागाने प्रमुख मार्गांची तसेच शहरातील मिरवणुक मार्गांची डागडुजी करावी. तसेच चैत्रोत्सव कालावधीत पायी प्रवास करणारे भक्तांसाठी त्यांचा पायी प्रवास सुरळीत होणेसाठी रस्त्यांबाबत आवश्यक ती सर्व कार्यवाही करण्याबाबत सूचना देण्यात आल्या.
उत्सव मलेरीया विभागाने जयंती, सण कालावधीत नियमीतपणे फवारणी करावी. पाणीपुरवठा विभागाने संपुर्ण शहरात नियमितपणे सुरळीत पाणीपुरवठा करण्यात यावा. रमजान ईद कालावधीत आवश्यक त्या ठिकाणी हात पाय स्वच्छ करण्यासाठी तात्पुरती आवश्यक व्यवस्था करावी तसेच चैत्रोत्सव काळात प्रमुख रस्त्यावर भक्तांसाठी पिण्याचे पाण्याची
विद्युत व्यवस्था करावी. विभागाने प्रमुख मार्गावरील पथदिप सुरळीत सुरू राहतील याची दक्षता घ्यावी व बंद असलेले सर्व पथदिप दुरुस्त करावेत. अतिक्रमण विभागाने शहरातील प्रमुख रस्त्यावरील व ईदगाह मैदानावरील सर्व अतिक्रमण काढण्याची कार्यवाही करावी. आरोग्य विभागाने मुबलक औषध साठा व रुग्णवाहिका वैद्यकिय अधिकारी, कर्मचाऱ्यांसह सुसज्ज ठेवावी. अशाही सूचना बैठकीत देण्यात आल्या.
यावेळी शिक्षण मंडळ प्रशासन अधिकारी चंद्रकांत पाटील, सहा. आयुक्त श्यात बुरकूल, शहर अभियंता कैलास बच्छाव, मुख्य अग्निशमन अधिकारी संजय पवार, आरोग्याधिकारी जयश्री आहेर, लेखापरिक्षक शेखर वैद्य, जनसपंर्क अधिकारी पंकज सोनवणे, प्रभागअधिकारी सचिन भामरे, मो. इरफान मो. अश्रफ, हरिश डिंबर, आस्थापना पर्यवेक्षक निलेश जाधव, उपअभियंताएस.टी.चौरे, विद्युत अधिक्षक अभिजीत पवार, अधिक्षक रमाकांत धामणे उपस्थित होते.
